ENGATINGE/ENGVANGINNGE?

ENGATINGE/ ENGVANGINNGE tih zawhna hi mi tam takte tan, kan naupan lai atang tawh a vawiin ni thlenga kan nun a zawhna chhan hreawm leh harsa tak a ni. ENGATINGE? Tih zawhna hi, hnar hnuaiah phatna a bo lo an tih ang deuh khan, chhuanlam chhe te te chu kan lo siam pawh a ni maithei; mahse chu chuan a zawttu te lung a ti awi vek kher lo maithei.

    Kan naupan deuh lai chuan ka cousin pa nen ka thenawm te arpui in a note te a buk hum an chuk lai chu hmuhnawm ti pa in, lungte (Pebbles) hian ar note te chu kan in vawm fuh siak a. Ka cousin pa chuan ka sawi chu a vawm fuh chat zel mai a, kei erawh chuan ar note 12 zing a pakhat phawh zu vawm fuh thei lova…. Ka tlawm la lutuk chuan lungphek hlai deuh hlek chu chawi pahin, ar no te pasarih vel chu ka deng hlum ta mai a nih kha…. Chumi hnu a thilthleng tur chu hauh leh vuak tuar bak a awm dawn lo tih in hmu thei awm e. Chhungten ar no te man an chawi hnu ah, ngaihdam te dilin thupha an chawi nasa mai. A hnu ah ENGATINGE I tih min zawh khan, chhan hark a ti hle a ni. Ka lu min meh kawlh sak a, class ah Shaolin Kungfu larlai hun kha a lo ni bawk nen, miin ‘Shaolin, Shaolin’ tiin min fiam luaih luaih mai…

    Kan lo upa chho tial tial a, “I puitlin hnu ah enge nih I chak ber?” tih zawhna a lo awm a, “College i kal hunah eng subject nge I lak dawn?” tih te hi kan hun lo kal zel tura zawhna khirh tak kan nun thlak danglam vek thei zawhna a ni. Kan chhanna te chu eng pawh lo nise, kan chhan ang khan mi tam zawk hian kan hlen chhuah pui zo lo a ni. Chutih veleh, “ENGATINGE/ENGVANGINNGE?” Tih zawkna hi kan hmachhan leh nghal a ni. Mi rinawm loh kan nih phah a, keini pawh kan in hmuhniam deuh phahin kan in hre thin.

    ENGATINGE/ ENGVANGINNGE tih zawhna hi vawiin ni thleng hian zawhna kan hmachhawn chu a la ni ta fo mai a, entirnan; “Engatinge he hna hi I thawh?”, “Engvanginnge chu chu I tih?”……. Khawvel a mi tam zawk hian, kan duhthusam hna hi kan thawk theih lova, duhthlanna ai mahin, thlan tur dang neilova kan in hriat avanga thawk kan ni tlang pui. Tunge hna zahawm leh Officer te chu nih chak lo awm ang? Tunge hausak duhlo awm ang (Kristian diktak, Isua tana in pe te huam lovin). Kan thiltih tam tak hi kan tih tum vang a ti kan nilova, tihpalh emaw, kan rilru a lo puakchhuak thut avanga ti thut kan ni. Entirnan, motor khalhtu chuan bike a chuang te chu a su palh a, zawhna Engatinge/engvanginnge min sut a? tih a nih nghal. ENGVANGINNGE/ENGATINGE tih zawhna hi KA HRE LO a ni. Mihring ka nih avangin, ka thil tih tam tak chhan hi ka hre vek lo a ni…….. Ka nupui fanaute, unaute leh thiante bum tum in, chhanna chu ka lo nei pawh a ni maithei, chu ka chhanna chu thudik a ni vek kher lo…. Chuvangin KA HRE LO tawp.

    Mahse, heng zawhna piah lam a kan eiin zawnnan a kan hna thawh te chu kan thlak danglam thei a ni. Khawvel ah hian mihring te kan pung chho tial tial na chungin, kan hnathiam zawng thawh tur kan zawn peih leh theih na na na chuan a awm reng tih hi ka fuih duh che u a ni. It’s never too late. A la tlai hauh lo mai….. Hlawhtlinna leh hmuingilna hi midangten tih tur min pek emaw, midangten min nih tir tum te nilovin, KEIMAHNI DUHTHLANNA A NI NGEI TUR A NI. Hlawhtlinna hi keimahni duhzawng leh tui zawng thil tih atanga lo rah chhuak a ni. Miccrosoft neitupa hi a nu leh pa te tihluihna avangin Football emaw Basketball emaw te hi lo thlang ta se, vawiin ni ah hian Windows Computer hi kan nei lo maithei a ni. Ka sawi tum chu in hriatthiam tawh ka beisei. In hmalam hun atan duhsakna sang ber ka hlan a che u. ALL THE BEST.