WHO AM I?

-


        Tunge Ka Nih tih zawhna hi mi tam tak tan chuan han chhan mai a harsa thin viau ang. Kan nihna lo pui sawi daih te hi a awl chawk. Tehkhin nan, “Tunge I nih?” ti a min zawh hian, “Hminga, Laldailova fapa” kan ti mai thin. Min thlahtu te atang kan nihna kan han sawi hian, midang ten mi hre awl zawk a ni. He inthlahchhawn na hi Bible a Thuthlung Hlui atang tawh khan hman a ni a, vawiin ni thlengin mihring chuan kan la hmang chhunzawm zel a ni. Mahse, he nihna hi inchhui nan leh hmel inhriat nan a that rual lain, a hman sual ve theih tlat a ni.
Tehkhin nan, Minister chhungkua tam tak chuan, ‘Tunge ka nih I hria em?’ tiin mi dang te an vo thin a, thenkhat te chuan an pa te Pastor emaw Reverend emaw nihna chu an lo chhuan pui thin. Midang te vo nan a hetiang tawngkam hman ching ho reng reng hian, an mahni ah nihna engmah chhui tur leh chhui tlak an nei ngai lo tlang pui thin bawk. An chhungte nihna chhuan puitu te hi, khawtlang leh kohhran ah pawh mi hnawksak an ni duh fo thin bawk.
        Isua Krista kha khawvela a A lo kal khan, A zirtir te chu, “Miten Mihring Fapa hi tu nge a nih an tih” (Matthaia 16:13) tiin A zawh na kha a pawimawh e mem a ni. Krista a nihna kha hrilhlawkna ang a, mihring sual tawh te tan a Beram no hlan tur a nih zia kah hriattir a duh a ni. Mihring te anga Pathian Fapa A nihna kha A chapo pui ngai lova, midang te hmusit nan pawh A hmang ngai hek lo. Isua khan, A thil titheihna kha Pa khawngaihna mihringten an zirtheihna turin A hmang zawk a nih kha.
Tirhkoh Paula erawh chuan, Lal Isua Kraws lo chu a chhuan loh tur zia kha a ziak in a nunpui bawk a. Nihna sang tak leh mi thiltithei tak ni thin kha, Isua nen a Patmos thliar kara an in tawn hnu kha chuan, ama nihna aim ah khan, Pathian hmangaihna leh ropuizia a tlangau pui ta thung a ni. Minister chhunkua te chuan, chapo nan an Pa te nihna chu an hmang thin a, Ringtu diktak chuan, Lalpa ropui nan Pathian hming leh hnungzuitu nihna chu an hmang zawk thin a ni.
Vawiin ni ah hian, mahni theuh he zawkna hi han in zawt nawn leh ila, kan chhanna theuh chuan, kan nihna leh dinhmun min hriat chian tir dawn a ni. A chhiratute Lalpan malsawm che u rawh se.
       
     

Comments

Post a Comment

Popular posts from this blog

Teacher's Day pualin

-
Image
 TEACHER’S DAY NI HIAN I ZIRTIRTU TE ENGE I PEK VE DAWN:    India ramah hian 5 th September hi Teacher’s Day ni atana hman a ni a. Dr. Sarvepalli       Radhakrishnan-a chu 5 th September 1888 a piang in, India rama Vice-President hmasa ber leh President pahihna lo chelh tawh in,  Philosopher, zirtirtu leh politician hlawhtling tak a ni. A damchhunga India mipuite tan   zirtirna lama nasa taka hma a lak na chu, a zirtirten amah an hriat reng nan, a pianni chu   Teacher’s Day tih a hman a ni lo ni ta a ni. India rama School/College zirlai te chuan, hemi   ni hian an zirtirtu te chu thil tha tak tak te hlan in, function an huaihawt sak thin bawk a ni.   Sawrkar pawn, an ram a zirtirtu tha te chu lawmman te siam sak in, ropui takin a   chawimawi thin bawk a ni. Zirtrtu zawng zawng te hian lawmman an phut vek kher lo,   lawmman aia an duh zawk chu, an zirtirten zirtirtu an nih na anga, an chunga zahngaihna   an lantir hi a ni. Zirtirtu hna hi khawvela hna hahthlak leh hlawh
Read more

Mizo 'Ro Hlu' kan tihbo tak chu....

-
Image
                  'A va tlawmngai ve a' tih hi kan naupan lai kha chuan tawngkam lar tak leh kan hman fo thin a ni a. He tawngkam hi Mizo chhinchhiahna (Identity) a ni. Hnam dang ten min hriat theihna nungchang, kan pi leh pu te Ro chhiah, kan neih awm chhun a ni tawh hial in ka ring. Hmanlai Mizo te kha hnam dang ten an tluk theih loh leh an lo zah thin na em em kha, TLAWMNGAIH NA nun an lo neih vang kha a ni. Kan pi leh pu te kha an in pe zo em em in, midang te tanpui tur khan engtiklai pawn an hman reng thin a ni. Tunlai hun a Office leh Company a hnathawk te nen an hunlai a Lo hna thawk a eiin an zawn dan chu in ang lo mahse, an lo in pe zo hrim hrim a ni. Ro tih tawngkam hi han chhut chian chuan thil hlu leh tam zawng pawn a hriat theih awm e. Mihausa te chuan, sum leh pai tam tak an fate leh tu te thleng a daih tur an hnutchhiah thin a, mahse, an thlah ten an hman thiam loh chuan an ti ral leh vek thin a ni. Kristian sakhuana pawh chutiang bawk in, hmanlai a ringtu mi
Read more
-
Image
RAN VULH CHUNGCHANG:                 Ran hi a tam zawk chuan kan vulh theuh awm e. In chhungkhur ah hlimna thlen thin in, in lo nghaktu ah te hmangin, kan thiante karah pawh in tihtheih nan ka vulh thin a ni. Vaki khawi te chuan tawng te zirtir in, faifuk ri ang deuh reuh si a, kan thusawi an lo sawi chhan emaw, an mahni te a an sawi te hian tam tak chuan mak kan ti in kan hlim pui e mem a ni. Keini Mizo te chuan, ui leh zawhte hi kan vulh deuh tlangpui in ka hria. Kan vulh chhan ber chu, in lo veng tu tur emaw sazu awm loh nan te emaw chauh a ni thin. Kan ran vulhte chuangah chuan mi thenkhatte chuan, nun rawng takin an enkawl a; kan thinrim chang in kan pet in tiang hmang ten kan vaw leh mai mai thin a; Chaw pawh kan ei peih tawh loh hnu athing te kan pe leh mai mai thin a ni. Kan Mizo thenkhat ten ransa an vulhte chungah ngilnei taka an khawsak pui lai in thenkhatte erawh chuan an vulh chhan ber pawh awm chuang lovin, midang ten an vulh vanga lo vulh ve mai mai te kan awm
Read more