NEW ERA: MIZO HNAM CULTURE BO HI, TU MAWHPHURHNA NA NGE?

-

                   Hun reilote chhung ka thil post ka chawlhsan avangin thupha ka chawi e. Personal deuh thil buaipui a ngaih avangin ka hman lova, chuan School naupang zirtir tu hna ka thawh avangin duh angin hun pek a har thin a ni. Amaherawhchu, ziah chhunzawm zel ka lo tum tawh ang e.
                   Mihring te nun a thil thleng tamtak hi amak in hriatthiam pawh a har thin a ni. Kan hnaih ber emaw kan tih te thenkhat chu min hlat ber si a, kan hriat mang loh te hi min lainat tu te an lo ni leh lawi si hi, mak ka ti bang thei lo a ni. He kan chenna khawvel hmasawn na avang a, kan thil hloh te, ka hriat ang ang kan tarlang ve ang e.
                    Kan naupan lai te kha chuan, elctronics thil emaw computerised thil te hi a awm ve lova, thian za hovin kawt lai ah kan in fiam in kan hlim tlang thin em em a ni. Radio nei hmasa te kha kan tlawn nileng thin a, Walkman leh Tape-recorder nei te kha ka BOSS vek zel thin a nih kha. TV nei hmasa te lah kha, khaw Lal ber ni awm takin chibai kan buk lo chauh thin. Khawchhunga thil thleng engpawh kan hriat chu, kan in hrilhhriat thin a, a hlimawmin a nuam thei hle a ni. Kan zinga upa deuh chuan insual dan te min zirtir in, thang kam dan thleng te pawh min lo zirtir thin a ni. Chhawrhthlapui eng hnuai ah te in biruk siak in, puitling deuh te venna hnuai ah dar kua vel thleng te kha kan in ti hlim thin a ni. School han ban emaw chawlh chang ten lui ah tui hleuh pah in sangha te kan man thin a, kaikung te leh chakai te.... Sunday School ban hnu ah kan thian za hovin Marble te kan in khel thin a ni. School ban hnu ah ipte te ak chhuak in sava kan veh thin a ni. Kan thian te kan sawm chhuah dawn reng reng in, sava hram ri emaw, zawhte hram ri emaw te hi, kan thian za ho CODE a ni a, chu hram ri kan hriat veleh, nu leh pa te hnenah chhuanlam eng eng emaw siamin, in chhung atangin kan chhuak thin a ni. Mahni aia upa te kan zah thiam a, tlawmngaihna nun kha min zirtir chhawng in, tualah te thu khawmin Pi Leh Pu thawnthu ngaihnawm tak tak te kha min lo hrilh thin a ni. Mahse, heng kan loh chinthin leh tih thin te hi, tuna thangthar te hian an hre pha tawh lo a ni ber awm e. WHY?
                   Hei hi tu thiamloh nge ni a? Tunge mawhphurhna la dawn? 
A pakhatna ah chuan, Nu leh pa ten kan fate kan tan lutuk thin avang a ni. Tunlai Naupang te chu Tawp puava in an haw chuan, an nu leh pa ten ralthuam an neih zawng zawng nen beihpui thlaktu ni awm fahran hian, a lo ti tap tu te an va khing thin a ni. Kan naupan lai erawh kha chuan, tap chunga in a kan haw a nih vaih chuan, min vaw nghal in kar khat vel kan len chhuah min phal ngai lo a ni. Achhanchu, ngam loh pui kan va sualpui avangin an ti thin. Hei hian minti chhel a, min ti huaisen in, mahni a in todelh a tul zia min zir tir bawk a ni. (Sorry if the way I view things might be in contradiction to yours!!!!). Computer leh mobile phone te hian Kan Mizo Culture hi min va han sawi nghin sak em! Westernisation hian min va han ti Mizo-Sap tawh em em?????
                    'When in Rome, do as Romans do' tih thufing hi tha ka ti hle a, ka thil tih engkim deuh tho ah hian ka hmang (Apply) thin a ni. Computer leh Mobile Phone hman loh tur ka tihna chu a ni hauh lo, mahse, a hun leh a hmun hriat hi a pawimawh ka tih na a ni. Kan Laptop leh Mobile neih te chu Biakin inkhawm hunah te, Committee neih hunah te, hmet ri rek rek lovin, kan thil tih ho na ah chuan rilru pek zawk tur ka tih na a ni zawk. Sap leh hnam dang te pawn Culture leh History chu an nei theuh a lawm. Asia ram a China, Korea, Thailand, Japan etc., te pawn an History leh Culture te chu Museum hmangin an dahtha a ni ..... Chumai chu duhtawk lovin, an hnam nihphung te chu Films/Movies te hmang in, hmuhnawm taka lem lo changing, khawvel hmaah an lo tarchhuak thin a ni. Keini Mizo te hian eng e kan tih ve le? Enge tih theih kan neih? Tunge ti ang? tih te hi han in zawt ila, kan Culture leh Tradition bo tur tam tak hi kan humhalh thei dawn a ni. Khawnglung Run (2012) ang deuh film dang te hi siam teuh ila, kan pi leh pute thawnthu ngaihnawm tak tak te a tak in chang ngam ang u. In ngaihdan ni lo deuh hleka thu ka zaik palh a nih chu min hrethiam dawn nia......


Comments

Post a Comment

Popular posts from this blog

Teacher's Day pualin

-
Image
 TEACHER’S DAY NI HIAN I ZIRTIRTU TE ENGE I PEK VE DAWN:    India ramah hian 5 th September hi Teacher’s Day ni atana hman a ni a. Dr. Sarvepalli       Radhakrishnan-a chu 5 th September 1888 a piang in, India rama Vice-President hmasa ber leh President pahihna lo chelh tawh in,  Philosopher, zirtirtu leh politician hlawhtling tak a ni. A damchhunga India mipuite tan   zirtirna lama nasa taka hma a lak na chu, a zirtirten amah an hriat reng nan, a pianni chu   Teacher’s Day tih a hman a ni lo ni ta a ni. India rama School/College zirlai te chuan, hemi   ni hian an zirtirtu te chu thil tha tak tak te hlan in, function an huaihawt sak thin bawk a ni.   Sawrkar pawn, an ram a zirtirtu tha te chu lawmman te siam sak in, ropui takin a   chawimawi thin bawk a ni. Zirtrtu zawng zawng te hian lawmman an phut vek kher lo,   lawmman aia an duh zawk chu, an zirtirten zirtirtu an nih na anga, an chunga zahngaihna   an lantir hi a ni. Zirtirtu hna hi khawvela hna hahthlak leh hlawh
Read more

Mizo 'Ro Hlu' kan tihbo tak chu....

-
Image
                  'A va tlawmngai ve a' tih hi kan naupan lai kha chuan tawngkam lar tak leh kan hman fo thin a ni a. He tawngkam hi Mizo chhinchhiahna (Identity) a ni. Hnam dang ten min hriat theihna nungchang, kan pi leh pu te Ro chhiah, kan neih awm chhun a ni tawh hial in ka ring. Hmanlai Mizo te kha hnam dang ten an tluk theih loh leh an lo zah thin na em em kha, TLAWMNGAIH NA nun an lo neih vang kha a ni. Kan pi leh pu te kha an in pe zo em em in, midang te tanpui tur khan engtiklai pawn an hman reng thin a ni. Tunlai hun a Office leh Company a hnathawk te nen an hunlai a Lo hna thawk a eiin an zawn dan chu in ang lo mahse, an lo in pe zo hrim hrim a ni. Ro tih tawngkam hi han chhut chian chuan thil hlu leh tam zawng pawn a hriat theih awm e. Mihausa te chuan, sum leh pai tam tak an fate leh tu te thleng a daih tur an hnutchhiah thin a, mahse, an thlah ten an hman thiam loh chuan an ti ral leh vek thin a ni. Kristian sakhuana pawh chutiang bawk in, hmanlai a ringtu mi
Read more
-
Image
RAN VULH CHUNGCHANG:                 Ran hi a tam zawk chuan kan vulh theuh awm e. In chhungkhur ah hlimna thlen thin in, in lo nghaktu ah te hmangin, kan thiante karah pawh in tihtheih nan ka vulh thin a ni. Vaki khawi te chuan tawng te zirtir in, faifuk ri ang deuh reuh si a, kan thusawi an lo sawi chhan emaw, an mahni te a an sawi te hian tam tak chuan mak kan ti in kan hlim pui e mem a ni. Keini Mizo te chuan, ui leh zawhte hi kan vulh deuh tlangpui in ka hria. Kan vulh chhan ber chu, in lo veng tu tur emaw sazu awm loh nan te emaw chauh a ni thin. Kan ran vulhte chuangah chuan mi thenkhatte chuan, nun rawng takin an enkawl a; kan thinrim chang in kan pet in tiang hmang ten kan vaw leh mai mai thin a; Chaw pawh kan ei peih tawh loh hnu athing te kan pe leh mai mai thin a ni. Kan Mizo thenkhat ten ransa an vulhte chungah ngilnei taka an khawsak pui lai in thenkhatte erawh chuan an vulh chhan ber pawh awm chuang lovin, midang ten an vulh vanga lo vulh ve mai mai te kan awm
Read more