TIME MACHINE HI KAN DUH TAK TAK EM?

-

TIME MACHINE: Thatna leh that lohna..










He ka thil lo post hi fiction anga min lo ngaihsak turin ka ngen a che u.
A Hmasa berin, he kan chenna KHAWVEL Chanchin kal tawh hi mithiamten hriat an chak ber te zinga thil pawimawh tak pakhat a ni awm e. History kan han tih hian, ziak leh chhiar awm hnu a khawvel a thil thleng chanchin a ni ber mai a. Prehistory erawh hi chu, ziak leh chhiar awm hma a khawvel chanchin a ni thung. Prehistory hunlai hi Signs leh Symbols chauh a hmanlai pi leh pu ten an thil hmuh leh hriat te puk (CAVE) chhungah an lo ziak thin a ni. Eng tawng nge an hman thin tih leh Eng hawrawp nge an neih tih erawh chu chiang taka hriat a ni lo. Mahse, puk chhung emaw lung emaw chunga thil an lo ziah tawh te hmang in Archeologist ten theih tawp in an han chhui thin a, amaherawhchu, an thil lo ziah leh hnutchhiah te chu a awmzia hriatchhuah leh chhuichhuah a la ni lo.
                Chuvangin, Scientists, Historians, Archeologist etc., ten an hriat chak ber chu, Prehistory hunlai a thil thleng leh an lo khawsak dan chu a ni. Hei hi khawvel thiam hmang a chhui chhuah theih chu ni se, Evolution Theory-a mi tam tak buaina chu min chinfel sak dawn a ni. Mihring thiamna sang tawh hle mahse, kan thiamna te chuan theih chin a nei a, chumi piah lam chu suangtuahna leh zeldin thu chauh hmang a eng Theory pawh Conclusion siam kan tum thin a ni.
                Pahnihna a mihring ten kan hriat chak chu, thil lo la thleng tur te hi a ni. Scientist ten khawvel lo la awm zel dan tur te leh sakhhua tam tak ten hun tawp dan tur an sawi te hi a in ang lo tlangpui a. Pathumna ah Khawvel danga mi te (Aliens) chungchang hi hriat kan chak leh bawk a ni. Aliens hi an awm tak tak em? Unidentified Flying Objects (U.F.O.) hi a tak tak a ni thei ang em? Heng zawhna hi mithiamten an chhan theih loh avangin chhuina awm thei tura an ngaih awmchhun chu, TIME MACHINE hi a ni. Hei hi fiction a ni a, mahse, he khawl hi siam chhuak thei ang ta se, kan khawvel a zawhna tam tak chu chhan a ni ngei ang. Kan naupan lain Time Mahcine tih thawnthu kan hriat in, neih kan chak em em thin a. Hun kal tawh leh lo la thleng tur te hmuh a, harsatna leh rokhawlhna kal pal tlang tawh te leh lo la thleng tur te thlen hma a buaina chinfel zel kha kan lo chak ber thin a ni. Thian za hovin thukual pahin chu khawl neih theih dan te chu kan han suantuah ho thin a, a lo nuam thei thin khawp mai…
                Mahse, tun hnu a ka han ngaihtuah hian, Kristian in tit e tan chuan thil hlauhawm tak a ni thei a ni. Entirnan, kan hunk al tawh ah te khan thil tam tak kan tisual vek a, chu kan thil tih sual chu Time Machine hmangin Hun te chu han kuai her let leh ta ang ila, kan tihsual lai te chu tisual lo angin thil thleng tawh kha kan chingfel dawn ta a ni. Tualthattu pawn tual that lo ang in a hunk ha a siam tha leh mai zel dawn ang a ni. Isua pawh Krawsa khengbettu te khan kheng bet lovin chhuah zalen a ni dawn a ni. Eden huanah khan Adam a leh Evi ten thei rah kha an ei lo mai dawn a ni…. Hei hi mihring ngaihtuah dan tlang pui chu a ni.
                Chutiang chuan thleng thei emaw ni thei ta chiah se, Engkim chunga thu neitu Pathian chuan pawimawhna enge A neih tak ang le? Pathian chu kan mamawh tho ang em? Hmmmm??????!!!!!!!!!
Keima tawkte a Chhana chu, Pathian hi kan Time Frame ah A cheng ve lo tih hre hmasa ila a tha awm e. A tan chuan kum sangkhat pawh nikhat ang lek a ni si a. Time Machine pawh hi A duh chuan Aman a hmang thei, mahse kan hriat chinnah A hman awm kan la hre lo a ni. Eden huan a bawhchhiatna kha thai bo tum lovin, Amah ngei pawh, kha thlukna avang khan, Beram No Tlanna han thawk turin A in pe hmak a ni. Thil thleng zawng zawng kha Pathian remruat leh phal sak a nit ho na in, duhthlangtu erawh chu, mihringte hi kan ni ve thung a ni. Chuvangin, thil engkim thlentirtu Pathian ruahhmanna hi, keini mihring te hian kan dodal ang maw? A thil lo tih tawh chungah Amah chu thiamloh chanter ang fahranin siam that kan va tum ang maw?
                Tunhnaiah hian ka han ngaihtuah chiang a, ka chunga thil thleng zawng zawng te kha, (A tha leh Chhia te), pawi chu ti hle mah ila, siam that ka tum hauh lovang. Ka thil tih that chu en liam a, a chhelai chauh siam that ka duh lo. Thil sual ka lo tih palh/luih zawng zawng kha tun ka hun lo kal zel tur ah insiamthat na atan ka hmang ang. Pathian chu engtiklai pawn ka mamawh reng a ni tih min hriat tir dawn a ni. NANG ENGE I NGAIH VE DAN?

  

 

Comments

Post a Comment

Popular posts from this blog

Teacher's Day pualin

-
Image
 TEACHER’S DAY NI HIAN I ZIRTIRTU TE ENGE I PEK VE DAWN:    India ramah hian 5 th September hi Teacher’s Day ni atana hman a ni a. Dr. Sarvepalli       Radhakrishnan-a chu 5 th September 1888 a piang in, India rama Vice-President hmasa ber leh President pahihna lo chelh tawh in,  Philosopher, zirtirtu leh politician hlawhtling tak a ni. A damchhunga India mipuite tan   zirtirna lama nasa taka hma a lak na chu, a zirtirten amah an hriat reng nan, a pianni chu   Teacher’s Day tih a hman a ni lo ni ta a ni. India rama School/College zirlai te chuan, hemi   ni hian an zirtirtu te chu thil tha tak tak te hlan in, function an huaihawt sak thin bawk a ni.   Sawrkar pawn, an ram a zirtirtu tha te chu lawmman te siam sak in, ropui takin a   chawimawi thin bawk a ni. Zirtrtu zawng zawng te hian lawmman an phut vek kher lo,   lawmman aia an duh zawk chu, an zirtirten zirtirtu an nih na anga, an chunga zahngaihna   an lantir hi a ni. Zirtirtu hna hi khawvela hna hahthlak leh hlawh
Read more

Mizo 'Ro Hlu' kan tihbo tak chu....

-
Image
                  'A va tlawmngai ve a' tih hi kan naupan lai kha chuan tawngkam lar tak leh kan hman fo thin a ni a. He tawngkam hi Mizo chhinchhiahna (Identity) a ni. Hnam dang ten min hriat theihna nungchang, kan pi leh pu te Ro chhiah, kan neih awm chhun a ni tawh hial in ka ring. Hmanlai Mizo te kha hnam dang ten an tluk theih loh leh an lo zah thin na em em kha, TLAWMNGAIH NA nun an lo neih vang kha a ni. Kan pi leh pu te kha an in pe zo em em in, midang te tanpui tur khan engtiklai pawn an hman reng thin a ni. Tunlai hun a Office leh Company a hnathawk te nen an hunlai a Lo hna thawk a eiin an zawn dan chu in ang lo mahse, an lo in pe zo hrim hrim a ni. Ro tih tawngkam hi han chhut chian chuan thil hlu leh tam zawng pawn a hriat theih awm e. Mihausa te chuan, sum leh pai tam tak an fate leh tu te thleng a daih tur an hnutchhiah thin a, mahse, an thlah ten an hman thiam loh chuan an ti ral leh vek thin a ni. Kristian sakhuana pawh chutiang bawk in, hmanlai a ringtu mi
Read more
-
Image
RAN VULH CHUNGCHANG:                 Ran hi a tam zawk chuan kan vulh theuh awm e. In chhungkhur ah hlimna thlen thin in, in lo nghaktu ah te hmangin, kan thiante karah pawh in tihtheih nan ka vulh thin a ni. Vaki khawi te chuan tawng te zirtir in, faifuk ri ang deuh reuh si a, kan thusawi an lo sawi chhan emaw, an mahni te a an sawi te hian tam tak chuan mak kan ti in kan hlim pui e mem a ni. Keini Mizo te chuan, ui leh zawhte hi kan vulh deuh tlangpui in ka hria. Kan vulh chhan ber chu, in lo veng tu tur emaw sazu awm loh nan te emaw chauh a ni thin. Kan ran vulhte chuangah chuan mi thenkhatte chuan, nun rawng takin an enkawl a; kan thinrim chang in kan pet in tiang hmang ten kan vaw leh mai mai thin a; Chaw pawh kan ei peih tawh loh hnu athing te kan pe leh mai mai thin a ni. Kan Mizo thenkhat ten ransa an vulhte chungah ngilnei taka an khawsak pui lai in thenkhatte erawh chuan an vulh chhan ber pawh awm chuang lovin, midang ten an vulh vanga lo vulh ve mai mai te kan awm
Read more